Lesnir;

18.9.06

Getraun VI

Hvaða nytjaurt (yfirflokks og afbrigðis skal geta í svarinu) er svo lýst, í merkri grein í Búnaðarritinu (rétt og skilmerkileg tilvísun birtist er rétt svar fram kemur):

„Afbrigði þetta er allvíða um landið, einkum þó um allt Suðurlands undirlendið. [...] eru að lögun svipaðar þeim bleiku; >augun< og >naflinn< djúpur. En þær eru mun stærri og jafnan færri undir hverju grasi, venjulega frá 7-10. Þær liggja ekki mjög langt frá stönglunum og eru mjög fastar á taugunum.
Þar, sem þær vaxa í lausum eða sendnum jarðvegi, má oft taka í grasið og kippa því upp, með öllum [...] á. Þetta afbrigði er einnig mjög viðkvæmt hvað [...]sýki snertir, og er ekki heldur bráðþroska.“

11 skilaboð:

  • Gizk mitt er, að hér sé ekki um að ræða hið „íslenska“ afbrigði kartaflna eður solanum tuberosum, sem gekk í mínu ungdæmi undir nafninu Helgur, en nefnast á flazku einkum rauðar kartöflur, heldur - betur samræmandist lýsingu yðvarri - gullauga.

    Sagði Blogger Heimir Freyr, kl. 7:54 f.h.  

  • Rangt - en heitur þó.

    Sagði Blogger Gunnar, kl. 11:46 f.h.  

  • Getur verið að þetta sé möndlukartafla?
    Þykir það samt ólíklegt.

    Ég ælaði að skjóta á gullauga en Heimir var á undan.

    Sagði Anonymous Nafnlaus, kl. 10:04 e.h.  

  • Thad skyldi thou ekki vera Thykkvabaijarkartafla?
    Palli

    Sagði Anonymous Nafnlaus, kl. 12:11 e.h.  

  • Rétt svar er enn ekki komið fram.

    Sagði Blogger Gunnar, kl. 12:41 e.h.  

  • Ólafsrauður?

    Sagði Blogger Heimir Freyr, kl. 9:44 e.h.  

  • (en auðvitað er lýsingin frekar í ætt við hinar íslensku rauðu (fyrrnefndar Helgur))

    Sagði Blogger Heimir Freyr, kl. 9:49 e.h.  

  • Svigasvar Heimis er rétt - hér var spurt um Rauðar íslenzkar kartöflur. En þar sem þetta var innan sviga og hálft í hvoru eitthvað þá veit ég ekki hvort beri að verðlauna þetta eitthvað sérstaklega. En tilvitnaður texti er héðan:
    Ragnar Ásgeirsson: Um kartöflur. Sérprentun úr 46. árg. Búnaðarritsins. Reykjavík 1932. Bls. 13.

    Sagði Blogger Gunnar, kl. 2:09 e.h.  

  • Þannig að í raun er mitt fyrsta gizk rétt, en mér refsast fyrir að brúka ekki staðlað mál!

    Sagði Blogger Heimir Freyr, kl. 6:46 e.h.  

  • Þú tókst, svo engum leyndist, fram í þínu fyrsta svari, að þú teldir að hér væri E K K I um ,,íslenskar" Helgu-rauðar kartöflur að ræða. Er þitt óstaðalaða mál þess kyns, að nei þýðir já og já þýðir nei?

    Um kartöflur - til gagns og fróðleiks, hefst á þessum orðum: ,,Hvar sem komið er, á byggðu bóli, hér á Íslandi, þar sem jurtagarður er, þá má heita, undantekningarlítið, að aðaljurtirnar sem ræktaðar eru, séu kartöflur og gulrófur. Þó einkum kartöflur." (sama rit, bls. 1)

    Sagði Blogger Gunnar, kl. 6:58 e.h.  

  • Þetta voru leið mistök. Helgur eru víst enda frábrugðnar rauðum íslenskum kartöflum - naflinn er talsvert smærri.

    Sagði Blogger Heimir Freyr, kl. 7:05 e.h.  

Skrifa ummæli

<< Forsíða